ඉලෙක්ට්‍රොනික හා අනෙකුත් තාක්ෂණයන්හි උපයෝජනය
තොරතුරු සන්නිවේදන තාක්ෂණයේ දියුණුවත් සමගම ඒ හා සම්බන්ධ අනෙකුත් ක්ෂේත්‍රයන්ගේ ද සීග්‍ර දියුණුවක් වර්ථමානය වන විට දැකගත හැකිවේ. පාසල් අධ්‍යාපනය පිළිබඳව සළකා බැලීමේදී වර්තමානයේ විවිධ විෂය කරුණු පරිගණකය සහ අන්තර්ජාලය භාවිතයෙන් ඉගැන්වීම පාසල් වල දක්නට ලැබෙන නව ප්‍රවණතාවකි. මෙමගින් අමාරු විෂය කොටස් ඉතාම පහසුවෙන් අවබෝධ කරදිය හැකිවේ. ජංගම දුරකථනය මගින් අපට අවශ්‍ය වෛද්‍යවරයකු වෙන් කර ගැනීමේ හැකියාව ලබාදී ඇත. ප්‍රවාහන ක්ෂේත්‍රය පිළිබඳව සළකා බැලීමේදී ද අපට යායුතු මාර්ගය පවා ජංගම දුරකථනය හෝ වෙනත් තාක්ෂණික උපකරණ මගින් සොයා ගත හැකිය. එපමණක් නොව සියළුම ජනමාධ්‍ය ආයතන තොරතුරු සන්නිවේදන තාක්ෂණය ග්‍රහණය කිරීම නිසා ලොව සිදුවීම් ක්ෂණිකව අපහට ලබා ගැනීමේ හැකියාව පවතියි. අද කාලයේ ඉතාම ජනප්‍රිය ආදායම් මාර්ගයක් වන්නේ අන්තර්ජාලය හරහා සිදු කරනු ලබන රැකියාවේ. තාක්ෂණයේ දියුණුවත් සමගම වර්ධනය වූ මෙම සංකල්පය මගින් නව රැකියා අවස්ථා පුළුල් වී ඇතිසේම අප රටට විදේශ විනිමය ලබන්නවූ මාර්ගයක්ද වන්නේය.
(Image Source : www.joburg.org.za)
(Image Source : www.joburg.org.za)
තොරතුරු තාක්ෂණය සහ සන්නිවේදන තාක්ෂණයේ සංයුග්මනය
1970 දශකයේ මුල් භාගයේ සන්නිවේදන තාක්ෂණය සහ පරිගණක (තොරතුරු ) තාක්ෂණය එකට එක් වී එය කිසියම් විප්ලවයක ස්වරූපයෙන් සීග්‍රයෙන් වර්ධනය විය. චන්ද්‍රිකා, දුරකථන වැනි පණිවිඩ හුවමාරු ක්‍රම දියුණු වෙත්ම එමගින් තොරතුරු එහා මෙහා ගෙනයාමේ ක්‍රියාවලිය සිදුවෙමින් පැවතුණ කාල වකවානුවේ පරිගණකයද එම කාර්යයට තරමක් දුරට යොමුවෙමින් තිබුණි. පරිගණකය තුල ඇති දත්ත තවත් පරිගණකයක් වෙත යැවීමේ අවශ්‍යතාව 1960 දශකයේ අග භාගයේ දී පැන නැගුණි. එක් පරිගණකයක සිට තවත් පරිගණකයකට දත්ත හුවමාරුව සඳහා සම්බන්ධතාව රැහැන් මගින් කළ යුතු විය.
(Image Source : commons.wikimedia.org)
මේ වකවානුව වන විට දුරකථන පද්ධතිය හා චන්ද්‍රිකා පද්ධතිය මගින් ශබ්දය එහා මෙහා ගෙන යාමේ තාක්ෂණ දියුණුව ඇතිවී තිබුණු නිසා පරිගණකය හා සන්නිවේදන මාධ්‍යයන් එක් කළ යුතු යැයි අදහසක් ඇතිවිය. එහි ප්‍රතිඵලය වූයේ පරිගණක තාක්ෂණය හා සන්නිවේදන තාක්ෂණය එකිනෙකට අත්වැල් බැඳ ගැනීම 1970 න් ඇරඹි දශකයේ අවසානයේ සිදුවීමයි. අද ඔබ භුක්ති විඳින මෙම තාක්ෂණය කෙටි කාලයක් තුළ නිරායාසයෙන් සිදුවූ දෙයක් නම් නොවේ. එය වර්ෂ 60 කට අධික කාලයක් තිස්සේ විශාල මිනිස් සමූහයක් විසින් දිවා රෑ වෙහෙසී කරනු ලැබූ පර්යේෂණ සහ දැරූ උත්සහයන්ගේ ප්‍රතිඵලයකි.
(Image Source : commons.wikimedia.org)
මේ වකවානුව වන විට දුරකථන පද්ධතිය හා චන්ද්‍රිකා පද්ධතිය මගින් ශබ්දය එහා මෙහා ගෙන යාමේ තාක්ෂණ දියුණුව ඇතිවී තිබුණු නිසා පරිගණකය හා සන්නිවේදන මාධ්‍යයන් එක් කළ යුතු යැයි අදහසක් ඇතිවිය. එහි ප්‍රතිඵලය වූයේ පරිගණක තාක්ෂණය හා සන්නිවේදන තාක්ෂණය එකිනෙකට අත්වැල් බැඳ ගැනීම 1970 න් ඇරඹි දශකයේ අවසානයේ සිදුවීමයි. අද ඔබ භුක්ති විඳින මෙම තාක්ෂණය කෙටි කාලයක් තුළ නිරායාසයෙන් සිදුවූ දෙයක් නම් නොවේ. එය වර්ෂ 60 කට අධික කාලයක් තිස්සේ විශාල මිනිස් සමූහයක් විසින් දිවා රෑ වෙහෙසී කරනු ලැබූ පර්යේෂණ සහ දැරූ උත්සහයන්ගේ ප්‍රතිඵලයකි.
සන්නිවේදන උපාංග (Communication Devices) සහ ජංගම පරිගණනයෙහි (Mobile Computing) හි සංවර්ධනය
පරිගණක තාක්ෂණය ( තොරතුරු තාක්ෂණය ) සහ සන්නිවේදන තාක්ෂණය එකතුවීමෙන් බිහිවූ උපාංග සන්නිවේදන උපාංග (Communication Devices) ලෙස හැඳින්වේ. ජාලකරන අතුරු මුහුණත් කාඩ්පත (NIC – Network Interface Card), මොඩම් උපකරණය (MODEM) , පථ කාරකය (Multiplexer), බ්ලූටූත් ඇඩැප්ටරය (Bluetooth Adapter), රවුරටය (Router) සහ වයි ෆයි කාඩ්පත් (Wi – Fi Cards) මේ සඳහා උදාහරණ වේ. මෙම උපාංග වල කාර්යය වනුයේ එක් ස්ථානයක සිට තවත් ස්ථානයක් දක්වා දත්ත / තොරතුරු සන්නිවේදනය කිරීමයි. එසේත් නැතිනම් එක් පරිගණක උපාංගයක් (Computer Device) තවත් පරිගණක උපාංගයක් (Computer Device) සමග දත්ත හුවමාරුව සඳහා භාවිතා කරයි.
ඔබගේ පුද්ගලික පරිගණකයත්, ජංගම තාක්ෂණික මෙවලම් යන සියල්ලමත් සෑම මොහොතකම ඔබ හා සම්බන්ධව ඇත්නම් ඔබට අවශ්‍ය ඕනෑම මොහොතක, ඕනෑම තැනක සිට තොරතුරු ලබා ගැනීමේ හැකියාව පවතියි. මෙය ජංගම පරිගණකය (Mobile Computing) ලෙස හැඳින්වේ.
ඔබගේ පුද්ගලික පරිගණකයත්, ජංගම තාක්ෂණික මෙවලම් යන සියල්ලමත් සෑම මොහොතකම ඔබ හා සම්බන්ධව ඇත්නම් ඔබට අවශ්‍ය ඕනෑම මොහොතක, ඕනෑම තැනක සිට තොරතුරු ලබා ගැනීමේ හැකියාව පවතියි. මෙය ජංගම පරිගණකය (Mobile Computing) ලෙස හැඳින්වේ.
No comments:
Post a Comment