2.0 : පරිගණක පරිණාමය : රචනා සහ ව්‍යවූහගත රචනා - 1 කොටස

---

1. ගණනය කිරීමේ උපකරණයක අවශ්‍යතාවය පහදන්න (සැ. යු : වර්තමාන සමාජයේ වෙසෙන මිනිසා හට ).
2. මිනිසාගේ ගණිත අවශ්‍යතා ඉටු කිරීම සඳහා ක්‍රි.පූ.3000 දී නිර්මාණය වූ විශිෂ්ට නිර්මාණය කුමක්ද?
3. තොරතුරු සන්නිවේදන තාක්ෂණික ඉතිහාසය බෙදා දැක්විය හැකි ප්‍රධාන කාල වකවානු 4 කුමක්ද?
4. මිනිසා විසින් නිර්මාණය කළ ප්‍රථම ගණිත උපකරණය ලෙස සැලකෙන්නේ කුමක්ද?
5. ක්‍රි.ව. 1642 දී නිර්මාණය වූ ලොව ප්‍රථම යාන්ත්‍රික ගණක යන්ත්‍රය වන ආකලන යන්ත්‍රය (Adding Machine)  - පැස්කලයින් යන්ත්‍රය (Pascaline Machine) නිර්මාණය කළේ කවුරුන් විසින් ද?එහි ඇති ගණිත කර්ම මොනවාද?
6. 1674 දී සිදුරුපත් සංකල්පය භාවිතා කරමින් පැස්කල්ගේ ආකලන යන්ත්‍රය (Adding Machine) වැඩි දියුණු කරන ලද්දේ කවුරුන් විසින්ද? එහි දක්නට ලැබෙන විශේෂතා මොනවාද?
7. ක්‍රි.ව.1801 දී සිදුරුපත් සංකල්පය භාවිතා කරමින් විවිධ රටා මැවිය හැකි යාන්ත්‍රික රෙදිවියන යන්ත්‍රයක් නිර්මාණය කළේ කවුරුන් විසින්ද?
8. ක්‍රි.ව.1802 දී වාශ්ප බලයෙන් ක්‍රියාත්මක වන, ස්වයංක්‍රීය, විධානයන් මත ක්‍රියාත්මක වන යන්ත්‍රයක් නිපදවූයේ කවුරුන් විසින්ද? එය හඳුන්වනු ලබන නාමය කුමක්ද?
9. ලොව ප්‍රථම යාන්ත්‍රික පරිගණකය (First Mechanical Computer)  සඳහා ආකෘතියක් (Structure) ඉදිරිපත් කරන ලද්දේ කවුරුන් විසින්ද? ඔහුට ලැබුණු විරුදාවලිය කුමක්ද?
10. චාල්ස් බැබේජ්ගේ (Charles Babbage) ඇනලිටිකල් යන්ත්‍රය (Analytical Engine) සඳහා මූලික අඩිතාලම වැටුනේ කිනම් කරුණක්ද?
11. 1833 දී චාර්ල්ස් බැබේජ් (Charles Babbage) විසින් වැඩිදියුණු කරන ලද ඩිෆරන්ස් එන්ජිමෙහි (Difference Engine) ඇති විශේෂත්වය කුමක්ද?
12. ක්‍රි.ව.1842 - 1843 පමණ කාල වකවානුවේ දී චාල්ස් බැබේජ් (Charles Babbage) විසින් නිර්මාණය කරන ලද ඇනලිටිකල් එන්ජිමට (Analytical Engine) දත්ත ඇතුළත් කිරීමට වැඩසටහනක් (Program) නිර්මාණය කළේ කවුරුන් විසින්ද? මොහුට ලැබුණු විරුදාවලිය කුමක්ද? මොහුට ගෞරවයක් වශයෙන් නම් කළ පරිගණක භාෂාව (Computer Language) කුමක්ද?
13. ක්‍රි.ව.1848 - 1850 දී බූලියානු වීජ ගණිත ක්‍රමය (මෙය පසුකලෙක පරිගණක පරිපථ නිර්මාණයේ පදනම බවට පත්විය ) ලොවට හඳුන්වා දුන්නේ කවුරුන් විසින්ද?
14. ක්‍රි.ව.1890 දී සිදුරුපත් සංකල්පය භාවිතා කරමින් දත්ත සැකසිය හැකි විද්‍යුත් යාන්ත්‍රික ගණක යන්ත්‍රයක් නිෂ්පාදනය කරන ලද අතර මේ සමගම ආරම්භ වූ පරිගණක නිෂ්පාදන සමාගමේ නම හා එහි මූලාරම්භයට දායක වූ පුද්ගලයා කවුරුන්ද?
15. ක්‍රි.ව.1939 දී ජෝන් වින්සන්ට් ඇටනසොෆ් (John Vincent Atanasoft) සහ ක්ලිෆර්ඩ් බෙරි (Clifford Berry) යන දෙදෙනා විසින් විද්‍යුත් සංඛ්‍යාංක පරිගණක යන්ත්‍රයක් සඳහා උත්සහයක් දරන ලදී. එහි නාමය සහ අක්නාමය (Acronym) කුමක්ද?
16. ක්‍රි.ව.1944 දී හාවඩ් විශ්ව විද්‍යාලයේ මහාචාර්ය වරයෙකු වූ හෝවර්ඩ් එයිකන් (Howard Aiken) විසින් ප්‍රථම ස්වයංක්‍රීය පරිගණක යන්ත්‍රය වන ස්වයංක්‍රීය අනුක්‍රම පාලක ගණක යන්ත්‍රය (Automatic Sequence Controlled Calculator) නිපදවන ලදී. මෙය නම් කරන ලද්දේ කුමක් නමින්ද? මෙහි ආදානය සහ ප්‍රතිදානය සඳහා යොදා ගත්තේ කිනම් උපකරණද?
17. පූර්ව යාන්ත්‍රික යුගයේ (Pre Mechanical era) දී සිදුවූ විශේෂ සිදුවීම් මොනවාද?
18. යාන්ත්‍රික යුගයේ (Mechanical era) දී සිදුවූ විශේෂිත සිදුවීම් මොනවාද?
19. විද්‍යුත් යාන්ත්‍රික යුගයේ දී සිදුවූ විශේෂිත සිදුවීම් නම් කරන්න.
20. විද්‍යුත් යුගය (Electronic era) ඇරඹීමත් සමගම එක් එක් කාල වකවානුවේ දී භාවිතා කළ තාක්ෂණයන් සහ ඒ ඒ යුග වලට අයත් පරිගණක පරම්පරාවන් ලියා දක්වන්න.
21. වර්තමානයේ අප භාවිතා කරනු ලබන පරිගණක නිර්මාණය වී ඇත්තේ කිනම් සංකල්පයක් පදනම් කරගෙනද?
22. ක්‍රි.ව.1945 දී ජෝන් වොන් නියුමාන් (John Von Neumann) විසින් ඉදිරිපත් කළ සංකල්පය කුමක්ද?එහි ඇති විශේෂත්වය පහදන්න.
23. ක්‍රි.ව.1946 දී රික්තක නල (Vacuum Tubes) තාක්ෂණය භාවිතා කරමින් බිහිවූ ලොව ප්‍රථම විද්‍යුත් සංඛ්‍යාංක පරිගණකය (Electronic Digital Computer) හැඳින්වූ නාමය කුමක්ද?
24. ක්‍රි.ව.1947 - 1948 දී පමණ බිහිවූ ජෝන් වොන් නියුමාන් විසින් හඳුන්වා දුන් නව සංකල්පය එනම් තැන්පත් කරනු ලබන වැඩසටහන් යොදාගෙන ක්‍රියාත්මක වන ප්‍රථම සංඛ්‍යාංක පරිගණකයේ නම කුමක්ද?
25. ප්‍රථම ට්‍රාන්සිස්ටරය (Transistor) නිපදවන ලද්දේ කිනම් වර්ෂයේදී ද?
26. ක්‍රි.ව.1951 දී නිර්මාණය කරන ලද පරිගණකය වාණිජ්‍ය පරමාර්ථයන් (Commercial Purposes) සඳහා නිපදවන ලදී. එය නම් කරනු ලැබුවේ කුමක් ලෙසද?
27. පළමු පරම්පරාවේ පරිගණක (1st Generation Computers) සඳහා උදාහරණ දෙන්න.
28. පළමු පරම්පරාවේ පරිගණක (1st Generation Computers) වල ලක්ෂණ මොනවාද?
29. රික්තක නල (Vacuum Tubes) යොදා ගනිමින් නිර්මාණය කළ පරිගණක නඩත්තුව ඉතාමත් කරදරකාරී වියදම් අධික කටයුත්තකි. මෙය පහදන්න.
30. රික්තක නල (Vacuum Tubes) වෙනුවට ට්‍රාන්සිස්ටරය (Transistor) ආදේශ වීමත් සමගම පරිගණක යන්ත්‍ර වල සිදුවූ වෙනස්කම් මොනවාද?
31. දෙවන පරම්පරාවේ පරිගණක (2nd Generation Computers) යන්ත්‍ර සඳහා උදාහරණ දෙන්න.
32. දවන පරම්පරාවේ පරිගණක (2nd Generation Computers) යන්ත්‍ර වල විශේෂ ලක්ෂණ මොනවාද?
33. ට්‍රාන්සිස්ටර (Transistor) වල භාවිතා වන තර්ක කුල 2 ක් නම් කරන්න.
34. චිපයක් (Chip) යනු කුමක්ද? මේවා නිර්මාණය කිරීම සඳහා භාවිතා කරනු ලබන තාක්ෂණය කුමක්ද?
35. තාක්ෂණයේ දියුණුවත් සමගම අනුකලිත පරිපථ (IC – Integrated Circuits) දහස් ගණනකින් කෙරෙන කාර්යය ඉටු කිරීමට සමත් සිලිකන් චිප (Silicon Chips) බිහිවිය. ඔබ දන්නා සිලිකන් චිප ආකාර 2 ක් නම් කරන්න.
36. අනුකලිත පරිපථ නිර්මාණය වීමත් සමගම පරිගණක තාක්ෂණය නව මුහුණුවරක් ගත්තේය. මේවා භාවිතයෙන් නිර්මාණය වූ පරිගණක වල විශේෂ ලක්ෂණ මොනවාද?
37. උසස් පරිගණක භාෂාවන් (High-level programming languages ) සඳහා උදාහරණ දෙන්න.
38. 1971 දී නිපදවන ලද ලොව ප්‍රථම මයික්‍රො චිපය (Microprocessor) හැඳින්වූ නාමය කුමක්ද? එය නිෂ්පාදනය කළ සමාගම කුමක්ද?
39. හතර වන පරම්පරාවේ පරිගණක (4th Generation Computers) අන් සියල්ලන්ට වඩා ඔසවා තැබීමට කටයුතු කරන ලද ආයතන 3 ක් නම් කරන්න.
40. 1981 දී හඳුන්වා දුන් ප්‍රථම පුද්ගල පරිගණකය (PC – Personal Computer) නිර්මාණය කළ ආයතනය වනුයේ,
    
    
    පිළිතුරු පසු ලිපි මගින් බලාපොරොත්තු වන්න.