2.0 : පරිගණක පරිණාමය : අනුමාන බහුවරණ ප්‍රශ්න 4

---

46. සකසනයක පිරිවිතර (Processor Specifications) අතුරින් නොගැලපෙන සාධකය වනුයේ,

1. ට්‍රාන්සිස්ටර ගණන
2. දත්ත බසය, යොමු බසය, පාලන බසය (Data Bus, Address Bus, Control Bus)
3. මධ්‍ය සැකසුම් ඒකකයේ හෝරා ස්පන්ද වේගය (Clock Speed)
4. අංක ගණිතමය හා තාර්කික ඒකකයේ ධාරිතාවය (Capacity of ALU)
5. රෙජිස්තර ගණන (Number of Registers)

47. සකසනයක් පිළිබඳව සැලකීමේදී "බසය (Bus)" යන සංරචකය ඉතාම වැදගත් වේ. බසය සම්බන්ධයෙන් අසත්‍ය ප්‍රකාශය වන්නේ,

1. පරිගණකයක් තුළ උපාංග අතර හෝ පරිගණක අතර උපාංග තුළ දත්ත සංඥා වශයෙන් විදුලිය ගමන් කරන භෞතික මාර්ගය බසය නම් වේ.
2. බසයෙහි ප්‍රභේද තුනකි. එනම් දත්ත බසය (Data Bus), යොමු බසය (Address Bus) හා පාලන බසයයි (Control Bus).
3. එක් ස්ථානයක සිට තවත් ස්ථානයකට දත්ත ගෙනයනු ලබන බසය දත්ත බසයයි.
4. පාලන බසය මගින් පරිගණකයේ විවිධ ස්ථාන / ඒකක වලට පාලන සංඥා (Control Signals) ගෙන යනු ලබයි.
5. මතකයේ තිබෙන දත්ත කියවීම සඳහා හෝ මතකයට දත්ත ලිවීම සඳහා හෝ කිසියම් ස්ථානයක් තෝරා ගනු ලබයි. මෙම ස්ථානයේ ලිපිනය සඳහා දත්ත යොමු කරනු ලබන්නේ යොමු බසය (Address Bus) සහ දත්ත බසය (Data Bus) යන බස් ආකාරයන්හි සංකලනය මගිනි.

48. පරිගණකයක භාවිතා වන යන්ත්‍ර භාෂාවේ වචනයක අඩංගු බිටු (Bits) ප්‍රමාණය හැඳින්වීමට යොදා ගත හැකි තනි පදය විය හැක්කේ,

1. හෝරා සීග්‍රතාවය (Clock Speed)
2. වදනක ප්‍රමාණය (Word Size)
3. නිහිත මතකය (Cache Memory)
4. රෙජිස්තර ආරාව (Register Array)
5. බස් මාර්ගය (Bus Line)

49. මධ්‍ය සැකසුම් ඒකකයට අවශ්‍ය කරන තරම් වේගයෙන් දත්ත ලබා දීමේ හැකියාවක් සසම්භාවී පිවිසුම් මතකයට නැත. ඊට හේතුව සසම්භාවී පිවිසුම් මතකයේ වේගය මධ්‍ය සැකසුම් ඒකකයේ වේගයට වඩා අඩු වීමයි. මෙම අඩුපාඩුව මගහැරවීම සඳහා …………………………………… භාවිත කරයි. ඉහත හිස්තැන පිරවීම සඳහා යොදාගත හැකි වාක්‍ය ඛණ්ඩය වනුයේ,

1. සසම්භාවී පිවිසුම් මතකය (Random Access Memory)                                    
2. වාරක මතකය (Cache Memory)
3. රෙජිස්තර මතකය (Register Memory)                                                                 
4. පඨන මාත්‍ර මතකය (Read Only Memory)
5. වදනක ප්‍රමාණය (Word Size)

50. පරිගණකයේ විශාලතම හා ප්‍රධානතම කාර්යභාරයන් දෙකක් වන ගණනය කිරීම් සහ පාලන කටයුතු ඉටු කර දෙන්නේ මව් පුවරුවට සවිකර ඇති අර්ධ සන්නායක උපාංගයක් මගිනි. මෙම උපාංගය වියහැක්කේ,

1. මධ්‍ය සැකසුම් ඒකකය (Central Processing Unit)                                             
2. පාලන ඒකකය  (Control Unit)
3. අංක ගණිතමය හා තාර්කික ඒකකය (Arithmetic & Logic Unit)                   
4. නිහිත මතකය (Cache Memory)
5. රෙජිස්තර ආරාව (Register Array)

51. මධ්‍ය සැකසුම් ඒකකයේ විකාශනය පිළිබඳව සැලකීමේ දී බලපෑහැකි සාධකයක් නොවන්නේ,

1. යොදාගත් තාක්ෂණය (Design Technology)                                                       
2. ගණනය කිරීමේ වේගය (Processing Speed)
3. විශාලත්වය (Size)                                                                                                        
4. වර්ගය (Type)
5. නිහිත මතකය (Cache Memory)

52. පරිගණක පද්ධතියක සියළු කොටස් හැසිරවීම, මතකයේ ඇති උපදෙස් ලබාගෙන ඒවා විකේතනය (Decode) කිරීම සහ ඊට අදාළව පද්ධතියේ කොටස් වලට සංඥා නිකුත් කිරීම යන කාර්යයන් සිදු කරනු ලබන්නේ,

1. රෙජිස්තර ආරාව (Register Array) මගිනි.                                                             
2. පාලන ඒකකය (Control Unit) මගිනි.
3. Program Counter (PC) මගිනි.                                                                                 
4. වාරක මතකය (Cache Memory) මගිනි.
5. අංක ගණිතමය හා තාර්කික ඒකකය (ALU – Arithmetic & Logic Unit) මගිනි.

53. පරිගණක මව්පුවරුව (Motherboard) සම්බන්ධයෙන් අසත්‍ය ප්‍රකාශය වන්නේ,

1. මධ්‍ය සැකසුම් ඒකකය, මතක ඒකක වැනි දේ මෙන්ම පරිගණකයේ හැකියාවන් වැඩි දියුණු කර ගැනීම සඳහා සවි කරනු ලබන අමතර පරිපථයන්, බාහිර මෙවලම් සහ උපාංග සවි කිරීම සඳහා අවශ්‍ය කරන පහසුකම් සපයනු ලබන්නේ පරිගණක මව්පුවරුවයි.
2. මෙය පද්ධති පුවරුව (System Board) ලෙසින් ද හඳුන්වයි.
3. මව් පුවරුව මත අමතර පරිපථ සවි කිරීම සඳහා වූ ඉඩ සලසන ඒකකයන් ප්‍රසාරණ විවරයන් (Expansion Slots) ලෙසින් හඳුන්වනු ලැබේ.
4. මෙය පරිගණකයේ පාලන හා සැකසුම් කාර්යය සහ දත්ත සන්නිවේදන කටයුතු  සිදුකරනු ලබන ප්‍රධානතම උපාංගයයි.
5. පරිගණකයට බාහිර උපාංගයන් (External Devices) සවි කිරීමට අවශ්‍ය වන කෙවෙණි / තොටු (Ports) විශාල ප්‍රමාණයක් පිහිටා ඇත්තේ මව් පුවරුව මතයි.

54. ආදාන / ප්‍රතිදාන උපාංග අතුරුමුහුණත් (Interfaces) සම්බන්ධයෙන් සත්‍ය ප්‍රකාශය වන්නේ,

1. පරිගණකයට අවශ්‍ය කරන දත්ත සහ උපදෙස් ඇතුළු කිරීම සඳහා භාවිත කරනු ලබන උපාංග ප්‍රතිදාන උපාංග (Output Devices) නම් වේ.
2. ප්‍රතිදානය යනු පරිගණකය මගින් සැකසූ තොරතුරු පිටතට ලබා ගැනීමේ ක්‍රියාවලියයි. මෙහිදී ආදාන උපාංග (Input Devices) භාවිත වේ.
3. පරිගණක තිර කෙවෙනිය (Monitor Port), ශබ්ද උපාංග කෙවෙනිය (Sound Ports) පරිගණකයේ මව්පුවරුවේ දැකිය හැකි ප්‍රතිදාන අතුරුමුහුණත් කිහිපයකි.
4. PS/2 කෙවෙණියට සවිකරන ඇතැම් උපාංග පරිගණකයට සවිකළ විගසම ක්‍රියාත්මක වීමට පටන් ගනියි. ඒවාට ධාවක හෙවත් එළවුම් මෘදුකාංග අත්‍යවශ්‍ය නොවේ.
5. පරිගණකයට අවශ්‍ය විදුලිය සැපයීම සඳහා වන විදුලි රැහැන් සවි කරනු ලබන කෙවෙණිය (Power Supply Socket) පිටා ඇත්තේ පරිගණක මව්පුවරුවෙහිය.

55. PS/2 කෙවෙණි සම්බන්ධයෙන් අසත්‍ය ප්‍රකාශය වනුයේ,

1. PS/2 ආකාරයේ යතුරුපුවරු (Keyboard) සහ මූසිකයන් (Mouse) පරිගණකයට සවි කිරීම සඳහා භාවිතා කරනු ලබන කෙවෙණි PS/2 ආකාරයේ කෙවෙණි වේ.
2. සෑම අවස්ථාවකම මෙම කෙවෙණි දෙක එක ලඟ පිහිටා අති අතර යතුරු පුවරුව හා මූසිකය නිවැරදි කෙවෙණියේ සවි කළ යුතුවේ.
3. PS/2 කෙවෙණි වලට සවි කරන උපාංග ක්‍රියාත්මක වීම සඳහා අවශ්‍ය විඩුලි බලය එම කෙවෙණියෙන්ම ලබා ගනියි.
4. උපාංග සවි කිරීමේ දී කෙවෙණි / තොටු වල යොදා ඇති වර්ණ උපකාර කළ හැකිවේ.
5. යතුරුපුවරුව සඳහා වූ කෙවෙණිය දම් පැහැයද (Magenta) මූසිකය සඳහා වූ කෙවෙණිය කොළ (Green) පැහැයද වේ.

56. ශ්‍රේණිගත දත්ත සම්ප්‍රේෂණය (Serial Data Transmission) පිළිබඳ අසත්‍ය ප්‍රකාශය තෝරන්න,

1. මෙහිදී දත්ත සම්ප්‍රේෂණය වන්නේ දත්ත එකක් පිටුපස එකක් ලෙසයි.
2. ශ්‍රේණිගත උපාංග (Serial Devices) පරිගණකයට සම්බන්ධ කිරීම සඳහා ශ්‍රේණිගත කෙවෙණි (Serial Ports) භාවිතා කෙරේ.
3. දත්ත සම්ප්‍රේෂණ සීග්‍රතාවය (Data transmission speed) වැඩිය.
4. දත්ත මහා පරිමාණයෙන් පරිගණකය හා සම්ප්‍රේෂණය නොවන උපාංග පරිගණකය හා සම්බන්ධ කිරීමට ශ්‍රේණිගත කෙවෙණි යොදා ගනියි.
5. බාහිරින් සවිකරනු ලබන මොඩම් යන්ත්‍ර (MODEM), අතීතයේදී භාවිතා කළ මූසික (Mouse), ශ්‍රේණිගත උපාංග සඳහා උදාහරණ වේ.

57. සමාන්තරගත දත්ත සම්ප්‍රේෂණය (Parallel Data Transmission) සම්බන්ධයෙන් අසත්‍ය ප්‍රකාශය වනුයේ,

1. මුද්‍රණ යන්ත්‍ර (Printers) සහ ස්කෑනර යන්ත්‍ර (Scanners) එනම් පරිගණකයට සමාන්තර ආකාරයට සම්බන්ධ වන උපකරණ සම්බන්ධ කිරීම සඳහා සමාන්තරගත කෙවෙනි භාවිතා කරයි.
2. දත්ත මහා පරිමාණයෙන් පරිගණකය හා සම්ප්‍රේෂණය නොවන උපාංග පරිගණකය හා සම්බන්ධ කිරීමට සමාන්තරගත කෙවෙණි (Parallel Ports) යොදා ගනියි.
3. මුද්‍රණ යන්ත්‍රය සවිවන කෙවෙනිය Printer Port ලෙස හඳුන්වන අතර එහි සම්බන්ධිත විවර 25 (25 Pins) කින් සමන්විත වේ.
4. සමාන්තරගත දත්ත සම්ප්‍රේෂණයේ දී සමාන්තරගත කෙවෙනි ඔස්සේ බිටු (Bits) එකකට වැඩි ප්‍රමාණයක් පරිගණකය හා අදාල උපාංගය සමග සම්ප්‍රේෂණය වේ.
5. දත්ත සම්ප්‍රේෂණ සීග්‍රතාවය (Data Transmission speed) ඉතාම ඉහළයි.

58. පස්වන පරම්පරාවේ පරිගණක වල ලක්ෂණයක් නොවන්නේ,

1. කෘතීම බුද්ධිය                                                                                                
2. වේගවත් නිවැරදි ප්‍රතිචාර දැක්වීම හා තීරණ ගැනීම
3. කටහඬ හඳුනා ගැනීම හා එයට නිසි ප්‍රතිචාර දැක්වීම                        
4. විධාන දීමට යන්ත්‍ර භාෂාව යොදා ගැනීම
5. ස්වයං ඉගෙනුම හෙවත් අත්දැකීම් මගින් ඉගෙනීම

59. වොන් නියුමාන් ආකෘතියේ (Von Neumann Architecture) අන්තර්ගත නොවූ උපාංගයක් / ඒකකයක් වන්නේ,

1. පාලන ඒකකය (Control Unit)                 
2. ප්‍රධාන මතකය (Main Memory)                             
3. අතත්‍ය මතකය (Virtual Memory)
4. ආදානය හා ප්‍රතිදානය                                 
5. අංක ගණිතමය හා තාර්කික ඒකකය (Arithmetic & Logic Unit)

60. මධ්‍ය සැකසුම් ඒකකය තුළ පිහිටා ඇති පාලන ඒකකය (Control Unit) මගින් සිදු කරනු ලබන කාර්යයක් නොවන්නේ,

1. නැවතීමේ උපදෙස් ලැබෙන තෙක් නොකඩවා ක්‍රියාත්මක වීම.
2. පරිගණකයේ තාර්කික මෙහෙයුම් සිදුකිරීම.
3. ඊලඟට ක්‍රියාත්මක කරවීමට අවශ්‍ය දත්ත, උපදෙස් හෝ තොරතුරු මතකයෙන් ලබා ගැනීම.
4. හෝරා ස්ඵන්ද (Clock Pulses) ජනනය
5. පරිගණකයේ සෑම උපාංගයක් සමගම සම්බන්ධ වී පාලන කටයුතු සිදු කිරීම.

විවරණය සහ පිළිතුරු පසු ලිපි මගින් බලාපොරොත්තු වන්න...