2.1 : සකසනයේ පරිණාමයට අදාළව පරිගණකයේ සිදුවූ සුවිශේෂී වෙනස්කම් - 2 කොටස

17. පරිගණක පරම්පරාවන් සහ භාවිත කළ තාක්ෂණික උපාංග (Computer generations with technical equipment’s)

පරම්පරාව	භාවිත කළ තාක්ෂණය / උපකරණය
1. පළමු වන පරම්පරාවේ පරිගණක	රික්තක නල (Vacuum Tubes)
2. දෙවන පරම්පරාවේ පරිගණක	ට්‍රාන්සිස්ටර (Transistors)
3. තෙවන පරම්පරාවේ පරිගණක	අනුකලිත පරිපථ (IC – Integrated Circuits)
4. සිව්වන පරම්පරාවේ පරිගණක	ක්ෂුද්‍ර සකසන (Micro Processors)
5. පස්වන පරම්පරාවේ පරිගණක	කෘතීම බුද්ධිය (AI – Artificial Intelligence)

18. පස්වන පරම්පරාව / පරිගණක තාක්ෂණයේ අනාගත දිශානති  / අභිමතාර්ථ (5th Generation Computers) -

බුද්ධිමත් මිනිසකුගේ ක්‍රියාකාරිත්වයට බොහෝ සෙයින් සමාන පරිගණකයක් නිපදවීම වර්තමාන විද්‍යාඥයින්ගේ අරමුණයි. පරිගණක විද්‍යාවේදී මෙම ක්ෂේත්‍රය කෘතීම බුද්ධිය නම් වේ.එකම අවස්ථාවේදී වෙනස් සිතිවිලි කිහිපයක් කෙරෙහි අවධානය යොමු කර තීරණ ගැනීම, කටහඬවල් වෙන වෙනම හඳුනා ගැනීම වැනි සංකීර්ණ ක්‍රියාදාමයන් මිනිසාට සිදු කළ හැකිය. රොබෝ තාක්ෂණය, ස්වයංක්‍රීය වාහන නිඅදවීම වැනි ක්‍රියාදාමයන් දැනටමත් කෘතීම බුද්ධිය (AI – Artificial Intelligence) මගින් සිදු කර ඇත.

19. පරිගණක වර්ගීකරණ ආකාර (Classification of Computers) : 

විශාලත්වය අනුව පරිගණක වර්ගීකරණය (Size)
තාක්ෂණය අනුව පරිගණක වර්ගීකරණය (Technology)
භාවිතා කරන කාර්යය අනුව පරිගණක වර්ගීකරණය (Purpose)

20. විශාලත්වය අනුව පරිගණක වර්ගීකරණය (Size) : 

සුපිරි පරිගණක (Super Computers)
මහා පරිගණක (Mainframe Computers)
මධ්‍ය පරිගණක (Mini Computers)
ක්ෂුද්‍ර පරිගණක (Micro Computers)

21. තාක්ෂණය අනුව පරිගණක වර්ගීකරණය (Technology) : 

සංඛ්‍යාංක පරිගණක(Digital Computers)
ප්‍රතිසම පරිගණක(Analog Computers)
දෙමුහුම් පරිගණක(Hybrid Computers)

22. භාවිතා කරන කාර්යය අනුව පරිගණක වර්ගීකරණය (Purpose) : 

පොදු කාර්යය පරිගණක (General Purpose Computers)
විශේෂ කාර්යය පරිගණක (Special Purpose Computers)

23. ක්ෂුද්‍ර පරිගණක වර්ගයට ගැනෙන පුද්ගල පරිගණක (PC – Personal Computers)

ඩෙස්ක්ටොප් පරිගණක (Desktop Computers)
වැඩහල් (Workstations)
උකුල් / ලැප්ටොප් පරිගණක (Laptop Computers)
අත්ල / පාම්ටොප් පරිගණක (Palmtop Computers)
නෝට්බුක් පරිගණක (Notebook Computers)
පුද්ගල සංඛ්‍යාංක සහකරු (PDA – Personal Digital Assistant)
සාක්කු පරිගණකය (Pocket Computers)

24. ඩෙස්ක්ටොප් පරිගණකය (Desktop Computer) :  තනි තනි පුද්ගලයන්ට භාවිත කිරීම සඳහා සැකසූ පරිගණක වන මේවා මේස මත තබා කාර්යය කළ හැකිය. මේවා පුද්ගලික පරිගණක (Personal Computers) ලෙස ද හඳුන්වයි.

25. වැඩහල් පරිගණකය (Workstations) :  වඩා වැඩි හැකියාවන්ගෙන් යුතු ක්‍රියාකාරකම් සිදු කිරීම සඳහා භාවිතා කරයි. වැඩි පිරිසකට එකවර වැඩ කළ හැකිවේ. උදා: ත්‍රිමාණ සහ සජීවිකරණ නිර්මාන කටයුතු සඳහා යොදා ගනියි.

26. උකුල් / ලැප්ටොප් පරිගණකය (Laptop Computer) :  එහා මෙහා ගෙනයාමට හැකි ආකාරයෙන් සකස් වූ පරිගණකයි. වර්ථමානයේ ඉතාම ජනප්‍රිය පරිගණක වර්ගයකි.

27. අත්ල / පාම්ටොප් පරිගණකය (Palmtop Computer) : අල්ලේ තබාගෙන වැඩකටයුතු සිදු කළ හැකි ආකාරයේ පරිගණකයි. ව්‍යාපාරිකයින් ගේ එදිනෙදා ගණුදෙනු කටයුතු සඳහා භාවිතා කරයි. PDA – Personal Digital Assistant

28. නෝට්බුක් පරිගණකය (Notebook Computer) :  උකුල් / ලැප්ටොප් පරිගණක යන්ත්‍රයකට වඩා තරමක් කුඩා වූ පරිගණක වර්ගයක් වන මේවා තැනින් තැන පහසුවෙන් රැගෙන යා හැකිය.

29. පුද්ගල සංඛ්‍යාංක සහකරු (PDA – Personal Digital Assistant / Digital Diary) : ඉතාම කුඩා පරිගණකයක් වන මේවා භාවිතයෙන් කාර්යාලයීය කටයුතු සිදු කිරීමේ හැකියාව වගේම ව්‍යාපාරික ගණුදෙනු කිරීමේ හැකියාව පවතියි. පහසුවෙන් රැගෙන යා හැකිය. (උදා: වෙළඳ නියෝජිතයින්ගේ සටහන් තබා ගැනීම වැනි කටයුතු සඳහා )

30. සාක්කු පරිගණකය (Pocket Computers) :  සාක්කුවේ දමාගෙන එහා මෙහා ගෙනයා හැකි පරිගණක වර්ගයක් වන මේවා වර්ථමානයේ ඉතාම ජනප්‍රිය පරිගණක වර්ගයයි.

31. ක්ෂුද්‍ර සකසනයේ පරිණාමය (The evolution of Micro Processors)
8080 -> 8086 -> 80186 -> 80286 -> 80386 -> 80486 -> Pentium MMX -> Pentium II -> Pentium III -> Pentium IV

32. සකසනයක පිරිවිතර (Processor Specifications)

ට්‍රාන්සිස්ටර ගණන 
දත්ත බසය, යොමු බසය, පාලන බසය (Data Bus, Address Bus, Control Bus)
මධ්‍ය සැකසුම් ඒකකයේ හෝරා ස්පන්ද වේගය (Clock Speed)
රෙජිස්තර ගණන (Number of Registers)
නිහිත මතකය (Cache Memory)

33. බසය යනු (Bus) : පරිගණකයක් තුළ උපාංග අතර හෝ පරිගණක අතර උපාංග තුළ දත්ත සංඥා වශයෙන් විදුලිය ගමන් කරන භෞතික මාර්ගය බසය නම් වේ. බසයෙහි ප්‍රභේද තුනකි. එනම් දත්ත බසය (Data Bus), යොමු බසය (Address Bus),
පාලන බසයයි (Control Bus)

34. දත්ත බසය යනු (Data Bus): එක් ස්ථානයක සිට තවත් ස්ථානයකට දත්ත ගෙනයනු ලබන බසය දත්ත බසයයි.

35. යොමු බසය යනු (Address bus) : මතකයේ තිබෙන දත්ත කියවීම සඳහා හෝ මතකයට දත්ත ලිවීම සඳහා හෝ කිසියම් ස්ථානයක් තෝරා ගනු ලබයි. මෙම ස්ථානයේ ලිපිනය සඳහා දත්ත යොමු කරනු ලබන්නේ යොමු බසය (Address Bus) මගිනි.

36. පාලන බසය යනු (Control Bus) :  පරිගණකයේ විවිධ ස්ථාන වලට පාලන සංඥා (Control Signals) ගෙන යනු ලබයි.

37. රෙජිස්තර (Registers) :  ගණිත හා තාර්කික ඒකකයේ (ALU – Arithmetic and Logic Unit) සංඥා තාවකාලිකව ගබඩා කර තැබීම සඳහා කරනු ලබන ස්ථානයයි.

38. සකසනයක හෝරා සීග්‍රතාව (Clock Speed of a CPU): සකසනයට (Processor) ලබා දෙන උපදෙස් ක්‍රියාත්මක කරන වේගයයි. නවීන පරිගණක වල හෝරා සීග්‍රතාවය මැනීම මෙගා හර්ට්ස් (MHz) හෝ ගිගා හර්ට්ස් (GHz) ඒකක මගින් සිදුකරයි.