01: පසුගිය විභාග බහුවරණ ප්‍රශ්න (Multiple Choice Questions) 2011 - 2014

01. තොරතුරු සන්නිවේදන තාක්ෂණ‍යේ මූලික සංකල්ප, වර්තමාන දැනුම් මූලික සමාජය තුළ යොදා ගන්නා ආකාරය, එහි භූමිකාව හා උචිත උපයෝගීතාව.

බහුවරණ ප්‍රශ්න (Multiple Choice Questions - MCQ)

01. බහුවරණ ප්‍රශ්න පත්‍රයක පිළිතුරු පත්‍රයක් කියවිය හැක්කේ (2011 A/L, 03 MCQ)

1. සංඛ්‍යාංකකය (Digitizer)                                                                             
2. ආලෝක පෑන (Light Pen)
3. චුම්භක තීන්ත අනුලක්ෂණ කියවනය (Magnetic Ink Character Reader)
4. පරිලෝකකය (Scanner)                                                                             
5. විකුණුම් පොළ (Point Of Sale) ටර්මිනලය මගිනි.

02. සම්ප්‍රේෂිත ස්ඵන්දනයෙහි ප්‍රතිධ්වනිය භාවිත කෙරෙන පරිගණක ගත වෛද්‍ය අනුරූකරණ පද්ධති (2011 A/L, 04 MCQ)

1. CAT ස්කෑන් නම් වේ.                                                                                    
2. CT ස්කෑන් නම් වේ.
3. PETT ස්කෑන් නම් වේ.                                                                                  
4. පාරධ්වනි (Ultrasound) ස්කෑන් නම් වේ.
5. X- කිරණ අනුරුව නම් වේ.

03. ඉංජිනේරු නිෂ්පාදන සමාගමක කළමනාකරුවෙක් නුදුරු අනාගතයේ දී වැඩිපුර මිනිසුන් බඳවා ගැනීම පිළිබඳව සලකා බලමින් සිටියි. මේ සම්බන්ධයෙන් ඔහු විසින් අවධානය යොමු කළ යුතු වඩාත් වැදගත් තොරතුරු මොනවාද? (2011 A/L, 14 MCQ)

1. සියලුම සේවකයින්ගේ පෞද්ගලික වාර්තා                                            
2. බඳවා ගන්නා ලද සියලුම මිනිසුන්ගේ පූර්ව වාර්තා
3. සියලුම සේවකයින්ගේ පෞද්ගලික පැමිණීමේ ලේඛන     
4. ඉංජිනේරු පිරිවිතර (Specification) වල හා නිෂ්පාදන ඇනවුම් වල විස්තරාත්මක වාර්තා
5. වර්තමාන හා ප්‍රක්ෂේපිත පුද්ගල අවශ්‍යතා වල සාරාංශ වාර්තා

04. දත්ත සහ තොරතුරු පිළිබඳව පහත දැක්වෙන ප්‍රකාශ සලකා බලන්න. (2012 A/L, 04 MCQ)

A – "101011101" යන සංකේත                                               B - සංඛ්‍යා, අනුලක්ෂණ සහ ප්‍රතිබිම්බ
C - අධ්‍යයනයක් ඇසුරෙන් ව්‍යුත්පන්න කරන ලද කරුණු                       D - ග්‍රාහකයාට අර්ථවත් වන සේ සකසන ලද කරුණු

ඉහත දැක්වෙන කවර ප්‍රකාශය / ප්‍රකාශ මගින්, " තොරතුරු " වඩාත් හොඳින් විස්තර කරනු ලබන්නේ ද?

1. D පමණි.                                           
2. A සහ B පමණි.                               
3. C සහ D පමණි.                               
4. A, B සහ C පමණි.
5. B, C සහ D පමණි.

05. එක්තරා කර්මාන්ත ශාලාවක සේවකයෙකු දිනකට වැඩ කළ යුතු අවම පැය ගණනත් උපරිම පැය ගණනත් පිළිවෙලින් 5 සහ 12 වෙයි. වෙබ් පාදක පෝරමයක් හරහා නිඛිල අගයක් ලෙස ඇතුළත් කරන ලද වැඩ කරනු ලබන පැය ගණන නිවැරදි දැයි තහවුරු කිරීම සඳහා වඩාත් සුදුසු වන්නේ පහත දැක්වෙන කවර වලංගුතා පරීක්ෂාවද? (2012 A/L, 14 MCQ)

1. පරාසය (Range)                                                                            
2. දිග (Length)                                   
3. ප්‍රරූපය (Type)                                
4. සංඛ්‍යාත්මක අගය (Numeric Value)                                      
5. සංඛ්‍යාංක සංඛ්‍යාව

06. සංවිධානයක සේවකයින් අතර පෞද්ගලික සහ රහස්‍ය පණිවිඩ හා දැන්වීම් සම්ප්‍රේෂණය සඳහා වඩාත් පිරිමැසුම්දායක (Cost effective) හා ආරක්ෂිත වන්නේ පහත දැක්වෙන කවර ක්‍රමය ද? (2012 A/L, 31 MCQ)

1. ඉලෙක්ට්‍රොනික දැන්වීම් පුවරු                                                                   
2. ටෙලි සම්මන්ත්‍රණ පැවැත්වීම (Teleconferencing)
3. විද්‍යුත් තැපෑල (e-mail)                                                                                               
4. සමාජ ජාලයක් (A social network)
5. වෙබ් අඩවියක් (A website)

07. ක්ෂුද්‍ර සකසන සාමාන්‍යයෙන් සසඳනු ලබන්නේ………………………. වලින් මනිනු ලබන ඝටිකා වේගයෙන් (Clock speed) හෝ ඒක ඝටිකා චක්‍රයක දී (single clock cycle) සකසා ගත හැකි පදයේ ප්‍රමාණය (word size)…………………. මගිනි. ඉහත ප්‍රකාශනයේ හිස්තැන් පිරවීම සඳහා වඩාත්ම යෝග්‍ය පිළිතුර කුමක්ද? (2013 A/L, 04 MCQ)

1. බිටු, මෙගාහර්ට්ස්                                                           
2. බයිට, ගිගාහර්ට්ස්                                                           
3. ගිගාහර්ට්ස්, බයිට
4. මෙගාහර්ට්ස්, බිටු                                                           
5. තත්පර, බිටු

08. ක්ෂුද්‍ර සැකසුම් ඒකකයට (Microprocessor) බාහිරව පිහිටා ඇත්තේ පහත දක්වා ඇති කුමන සංරචකය ද? (2013 A/L, 08 MCQ)

1. අංක ගණිත තර්ක ඒකකය (ALU)                             
2. RAM                                                                 
3. පාලන ඒකකය (Control Unit)
4. රෙජිස්තර  (Registers)                                                 
5. පළමු මට්ටමේ නිහිත මතකය (Level 1 cache memory)

09. දත්ත හා තොරතුරු සම්බන්ධයෙන් පහත සඳහන් කවර වගන්තියක් සත්‍ය වන්නේ ද? (2013 A/L, 31 MCQ)

1. තීරණයක් ගැනීම සිදු කළ හැක්කේ අතිමහත් වූ දත්ත ප්‍රමාණයක් පවතින විටම පමණි.
2. තොරතුරු වල වලංගුතාව, දත්තවල නිරවද්‍යතාව මත රඳා පවතියි.
3. දත්ත සැකසුමෙන් ලබා ගන්නා තොරතුරු සැමවිට ම නිරවද්‍ය වේ.
4. තොරතුරු ලබා ගැනීම සඳහා බහු ප්‍රභව මගින් දත්ත එකතු කළ යුතු වේ. 
5. තොරතුරු වල නිරවද්‍යතාව රඳා පවතිනුයේ ආදාන දත්ත වල නිරවද්‍යතාව මත පමණි.

10. පහත සඳහන් ශිල්පීය ක්‍රම සලකන්න. (2013 A/L, 32 MCQ)

A- පරිගණක සහායිත ඉගෙනුම (Computer Aided Learning - CAL) 
B - පරිගණක පාදක ඉගෙනුම (Computer Based Learning - CBL)
C - පරිගණක පාදක ඇගයීම (Computer Based Assessment - CBA)

තොරතුරු හා සන්නිවේදන තාක්ෂණ පාදක ඉගෙනුම් හා ඉගැන්වීම් වල දී ඉහත දක්වා ඇති කුමන ශිල්පීය ක්‍රම භාවිත වන්නේ ද?

1. A පමණි.                                                                           
2. B පමණි.                                                           
3. A හා B පමණි.
4. B හා C පමණි.                                                                 
5. A, B හා C පමණි.           

11. දත්ත සප්‍රමාණතාව සඳහා සංඛ්‍යාංක අනුක්‍රමයක් තුළට ඇතුළත් කරනු ලබන විශේෂිත වූ සංඛ්‍යාංකය................. සංඛ්‍යාංකය ලෙස හැඳින්වේ. ඉහත හිස්තැන පිරවීමට වඩාත්ම යෝග්‍ය පිළිතුර කුමක් ද? (2014 A/L, 08 MCQ)

1. ආවේක්ෂණ (check)                                                     
2. ලකුණු (Sign)                                                  
3. අඩුම වෙසෙසි (least significant)
4. වැඩිම වෙසෙසි (most significant)                           
5. දෝෂ (error)

12. 2014, T-20 ලෝක කුසලාන තරඟාවලිය ශ්‍රී ලංකා ක්‍රිකට් කණ්ඩායම විසින් දිනා ගන්නා ලදී. ශ්‍රී ලංකා ක්‍රිකට් ලෝලීන් හට මෙම තොරතුර වඩාත් ඉහළ ම අගයක් ගෙන දුන්නේ .......................    (2014 A/L, 09 MCQ)

1. අවසන් තරඟය ආරම්භ කළ විට දී ය.                                                                      
2. තිසර පෙරේරා ජයග්‍රාහී ලකුණ ලබාගත් විට දී ය.
3. නායක ලසිත් මාලිංගට කුසලානය ලැබුණු විට දී ය.                                           
4. ඔවුහු පුවත් පත් මගින් ප්‍රවෘත්තිය දැක ගත් විට දී ය.
5. ඔවුහු ක්‍රිකට් කණ්ඩායම කටුනායක ගුවන් තොටුපොළේ දී දැක ගත් විට දී ය.

13. පහත සඳහන් කුමන වගන්තිය සත්‍ය වන්නේ ද? (2014 A/L, 22 MCQ)

1. පරිගණක පාදක ඉගෙනුම යනු ගුරු දිශාභිමුඛ ඉගෙනුම් ක්‍රමවේදයකි.
2. ස්කයිප් (Skype) යනු ප්‍රසිද්ධ වීඩියෝ සම්මන්ත්‍රණ (video conferencing) ක්‍රමවේදයකි.
3. අතථ්‍ය රූපී පරිගණක ජාල (VPN) ටෙලිකොමියුටිං (telecommuting) සඳහා මාධ්‍යයක් සපයයි.
4. මාර්ග අපගත (Offline) විභාග පැවැත්වීම පරිගණක සහකාරක ඇගයීම් (computer aided assessment) සේ සැලකිය හැකිය. 
5. මයික්‍රොසොෆ්ට් පවර්පොයින්ට් යනු පරිගණක පාදක සමර්පන සඳහා නිදහස් හා විවෘත ප්‍රභව මෘදුකාංගයකි (FOSS).

මෙහි සඳහන් සියළුම ප්‍රශ්න වල අයිතිය ශ්‍රී ලංකා විභාග දෙපාර්තමේන්තුව සතුවේ. මා සිදු කර ඇත්තේ කෙටි විශ්ලේශණාත්මක සටහනක් පමණි. පළමු පාඩම ඇසුරින් මෙම පරිශීලකයාගේ පහසුව සඳහා මෙසේ ගොනු කර ඇති බව කරුණාවෙන් සලකන්න.  

විවරණය සහ පිළිතුරු පසු ලිපි මගින් බලාපොරොත්තු වන්න.