6.0 : මෙහෙයුම් පද්ධති - අනුමාන බහුවරණ ප්‍රශ්න 10 කොටස

136. ක්‍රියායන තත්ත්ව රූපසටහන (Process state diagram) පිළිබඳව අසත්‍ය ප්‍රකාශය වනුයේ,

1. මෙහිදී ඉලිප්ස (Ellipses) මගින් ක්‍රියායන අවස්ථා (Process states) ද ඒවාට සිදුවිය හැකි අවස්ථා මාරුවීම් (State changes) පිළිබඳව ඊතල (Arrows) වලින් ද පෙන්නුම් කරයි.
2. නිර්මිත (Created / New) ක්‍රියායනයක් සූදානම් (Waiting / Ready) තත්වයට පත් කර එය ප්‍රධාන මතකයට පැමිණීමෙන් එම තත්වයෙන් ක්‍රියාත්මක (Running) තත්ත්වයට පත්වී සකසනයට යෑමට හෝ අතත්‍ය මතකයට (Virtual memory) ගොස් තවදුරටත් රැඳී සිටීමට (Swapped out and waiting) හෝ සිදුවේ.
3. ක්‍රියාත්මක කළ (Running) තත්ත්වයට පත්වුවහොත් එම තත්ත්වය අවසන් කර ප්‍රධාන මතකයෙන් ඉවත් වීමට නැවැත්වූ / අවසන් කළ (Terminated) තත්ත්වයට පත්වීමට හෝ අතරමග නවතා අවහිර කළ (Swapped out and blocked) තත්වයට පත්වී අතත්‍ය මතකයේ (Virtual memory) රැඳී සිටීමට සිදුවේ.
4. ප්‍රතිහරණය කළ සහ රැඳී සිටින (Swapped out and waiting) තත්වය සහ ප්‍රතිහරණය කළ සහ අවහිර කළ (Swapped out and blocked) තත්වයන් පවතිනුයේ ප්‍රධාන මතකයේය (Main memory).
5. රැඳීසිටීම හෝ සූදානම් (Waiting / Ready) තත්වය, ධාවන (Running) තත්වය සහ අවහිර කළ (Blocked) තත්වය යන තත්වයන් පවතිනුයේ ප්‍රධාන මතකයේය.

137. ක්‍රියායනයක් (process) සකසනයට ලබා දීමට පෙර සූදානම් තත්ත්වයේ (waiting / ready) පෙළ ගැසී පවතින කාලය හඳුන්වනු ලබන්නේ,

1. සාධිත ප්‍රමාණය (Throughput)                        
2. කාර්ය පූරණ කාලය (Turnaround)                  
3. ප්‍රමාද කාලය (Waiting time)
4. ප්‍රතිචාර කාලය (Response time)         
5. නියමකරණය (Scheduling)

138. ක්‍රියායනයකට (process) යම් උපදෙසක් (instruction) ලැබුණු මොහොතේ සිට එය ක්‍රියාත්මක වීමට ආරම්භ වන මොහොත දක්වා වූ කාලය හඳුන්වනුයේ,

1. සාධිත ප්‍රමාණය (Throughput)                      
2. කාර්ය පූරණ කාලය (Turnaround)                  
3. ප්‍රමාද කාලය (Waiting time)
4. ප්‍රතිචාර කාලය (Response time)         
5. නියමකරණය (Scheduling)

139. ක්‍රියායන තත්වයන්හි (Process states) දී ධාවන තත්ත්වය (running state) සම්බන්ධයෙන් අසත්‍ය ප්‍රකාශය තෝරන්න.

1. මෙම තත්ත්වය සක්‍රීය (active) තත්ත්වය හෝ ක්‍රියාත්මක (executing) තත්ත්වය ලෙස හඳුන්වයි.
2. මධ්‍ය සැකසුම් ඒකකයේ (Central processing unit) ක්‍රියාත්මක වන ක්‍රියායනය ධාවන (running) තත්ත්වයේ පවතියි.
3. නැවැත්වූ / අවසන් කළ (terminated) ක්‍රියායන නැවත ධාවන (running) තත්ත්වයට පත්විය හැකිය.
4. මෙම තත්ත්වයේ පවතින ක්‍රියායනයක ක්‍රියාකාරිත්වය අවසන්වීමට නියමිත කාලයට වඩා වැඩි කාලයක් ගත වියහැකිය.
5. ක්‍රියායනයක ක්‍රියාකාරිත්වය අවසන්වීමට නියමිත කාලයට වඩා වැඩි කාලයක් ගත වියහැකි ක්‍රියායන නැවත සූදානම් (ready) තත්ත්වයට පත්විය හැකිය.

140. ක්‍රියායන තත්ව රූපසටහනේ (Process states chart) දී මුල්වරට ක්‍රියායනයක් (process) නිර්මාණය කිරීමේ තත්වය (state) හඳුන්වනුයේ,

1. රැඳී සිටීම හෝ සූදානම් (Waiting / Ready) තත්වය                                
2. නිර්මිත / නව (Created) තත්වය
3. ධාවන (Running) තත්වය                                                                   
4. අවහිර කළ (Blocked) තත්වය
5. ප්‍රතිහරණය කළ සහ රැඳී සිටින (Swapped out and waiting) තත්වය

141. ක්‍රියායන තත්ව රූපසටහනේ (Process states chart) රැඳීසිටින (waiting) හෝ ක්‍රියාත්මක කළ හැකි (runnable) තත්වය ලෙස හඳුන්වනුයේ,

1. සූදානම් ( Ready) තත්වය                                                                   
2. නිර්මිත / නව (Created) තත්වය
3. ධාවන (Running) තත්වය                                                                   
4. අවහිර කළ (Blocked) තත්වය
5. ප්‍රතිහරණය කළ සහ රැඳී සිටින (Swapped out and waiting) තත්වය

142. ක්‍රියායනයක් (process) ක්‍රියාත්මක වෙමින් පවතින විට අතරමග නවතා දැමීම ( නැවැත්වූ ) හෝ ක්‍රියාත්මක වී අවසන් වූ පසු ( අවසන් කළ ) නවතා දැමීමේ තත්ත්වය හඳුන්වනු ලබන්නේ,

1. සූදානම් ( Ready) තත්වය                                                                   
2. නිර්මිත / නව (Created) තත්වය
3. ධාවන (Running) තත්වය                                                                   
4. අවහිර කළ (Blocked) තත්වය
5. නැවැත්වූ / අවසන් කළ (Terminated) තත්ත්වය

143. අතත්‍ය මතකය (Virtual memory) භාවිතා වන පරිගණක පද්ධති වල ක්‍රියායන අතිරේක තත්වයන් (Additional process states) පවතී. මෙම තත්වයන්හිදී ක්‍රියායන (processes) රඳවා තබා ගනුයේ,

1. ප්‍රධාන මතකයේය (Main memory).                                                    
2. සංචිත මතකයේය (Cache memory).
3. රෙජිස්තර මතකයේය (Register memory).                                           
4. ද්විතීයක ආචයනයේය (Secondary storage).
5. ප්‍රාථමික මතකයේය (Primary storage).

144. අතත්‍ය මතකය (Virtual memory) භාවිතා වන පරිගණක පද්ධති වල ක්‍රියායන අතිරේක තත්වයන් (Additional process states) දෙකක් පවතී. එම තත්ත්වයන් (states) විය හැක්කේ,

1. සූදානම් ( Ready) තත්වය, නිර්මිත / නව (Created) තත්වය        
2. නිර්මිත / නව (Created) තත්වය, ධාවන (Running) තත්වය
3. ධාවන (Running) තත්වය, නැවැත්වූ / අවසන් කළ (Terminated) තත්ත්වය
4. ප්‍රතිහරණය කළ සහ රැඳී සිටින (Swapped out and waiting) තත්වය, . ප්‍රතිහරණය කළ සහ අවසන් කළ (Swapped out and blocked)
5. අවහිර කළ (Blocked) තත්වය, ප්‍රතිහරණය කළ සහ රැඳී සිටින (Swapped out and waiting) තත්වය

145. සූදානම් (Waiting / Ready) තත්ත්වයේ පවතින ක්‍රියායනයක් බොහෝ වේලාවක් ප්‍රධාන මතකයේ (Main memory) රැඳී තිබුනහොත් ඉක්මනින් ක්‍රියාත්මක විය යුතු වෙනත් ක්‍රියායනයක් සඳහා ප්‍රධාන මතකයේ ඉඩ ලබා දීමට මෙම ක්‍රියායනය ද්විතීයක ආචයනයේ (Secondary storage) ඇති අතත්‍ය මතකයට (Virtual memory) මාරු කරනු ලැබේ. මෙය හැඳින්වීමට වඩාත්ම සුදුසු තත්වය වන්නේ,

1. සූදානම් ( Ready) තත්වය                               
2. ප්‍රතිහරණය කළ සහ අවසන් කළ (Swapped out and blocked) තත්වය
3. ධාවන (Running) තත්වය                               
4. ප්‍රතිහරණය කළ සහ රැඳී සිටින (Swapped out and waiting) තත්වය
5. නැවැත්වූ / අවසන් කළ (Terminated) තත්ත්වය

146. ප්‍රධාන මතකයේ (Main memory) ඇති අවහිර කළ (Blocked) තත්ත්වය සහිත ක්‍රියායනයන් ද්ව්තීයික ආචයනයේ (Secondary storage) ඇති අතත්‍ය මතකයට (Virtual memory) මාරු කරනු ලැබේ. මෙම හුවමාරුවෙන් පසු ක්‍රියායනය හැඳින්වීමට යොදා ගත හැකි වඩාත්ම උචිත තත්ත්වය වන්නේ,

1. සූදානම් ( Ready) තත්වය                               
2. ප්‍රතිහරණය කළ සහ අවසන් කළ (Swapped out and blocked) තත්වය
3. ධාවන (Running) තත්වය                              
4. ප්‍රතිහරණය කළ සහ රැඳී සිටින (Swapped out and waiting) තත්වය
5. නැවැත්වූ / අවසන් කළ (Terminated) තත්ත්වය

147. ක්‍රියායන තත්වයන්හි (Process states) දී නිර්මිත හෝ නව (Created / New) අවස්ථාව සම්බන්ධයෙන් අසත්‍ය ප්‍රකාශය වන්නේ,

1. මුල් වරට ක්‍රියායනයක් (process) නිර්මාණය කළ විට එම තත්ත්වය නිර්මිත හෝ නව (Created / New) යන නමින් හඳුන්වනු ලබයි.
2. මෙම තත්ත්වයේ පවතින ක්‍රියායන සූදානම් (Waiting / Ready) තත්ත්වයට පැමිනෙන තෙක් රැඳී සිටියයුතු වේ.
3. මේවා පාලනය කරනු ලබන්නේ දිගු කාලීන නියමකාරක (Long term scheduler) නම් වූ මෘදුකාංගයන් මගිනි.
4. වැඩතල පරිගණක (Desktop computers) වල මෙම ක්‍රියාවලිය නිරායාසයෙන් යුතුව සිදුවේ.
5. තත්කාලීන සැකසුම් (Real time processing) සිදුවන පරිගණක වල මෙම ක්‍රියාවලිය ඉතා වේගවත් අතරම අනුඛණ්ඩ විශාල ප්‍රමාණයක් මතකයට ඇතුළත් කරගනු ලබන අතර ඒවා ක්‍රියාත්මක වීමට පවතින තරඟය නිසා අවසාන ප්‍රතිඵලය ලබා ගැනීමට යන කාලය දිගුවේ.

148. ක්‍රියායන තත්වයන්හි (Process states) දී සූදානම් තත්ත්වය (Ready state) සම්බන්ධයෙන් අසත්‍ය ප්‍රකාශය වන්නේ,

1. මෙම තත්ත්වය රැඳී සිටින (waiting) හෝ ක්‍රියාත්මක කළ හැකි (runnable) තත්ත්වය ලෙස හඳුන්වයි.
2. නිර්මිත / නව (Created / New) තත්ත්වයේ පැවති ක්‍රියායනයක් ඊලඟට පත්වනුයේ සූදානම් (ready) තත්ත්වයටයි.
3. සූදානම් (ready) තත්ත්වයේ පවතින ක්‍රියායනයන් ප්‍රධාන මතකයේ (main memory) රැඳී පවතිනුයේ එම ක්‍රියායන පරිගණකයේ මධ්‍ය සැකසුම් ඒකකය (central processing unit) මගින් ක්‍රියාත්මක (running) තත්ත්වයට පත්කරන තුරුය.
4. සූදානම් (ready) තත්ත්වයේ පවතින ක්‍රියායන කිහිපයක් ඒවා ක්‍රියාත්මක (running) තත්ත්වයට පත්වන තුරු මධ්‍ය සැකසුම් ඒකකයේ (central processing unit) පෙළ ගැසී පැවතිය හැකිය.
5. එක සකසනයක් (Single processor) සහිත පරිගණකයක එකවර ක්‍රියාත්මක වන්නේ එක් ක්‍රියායනයක් (Process) පමණි.

149. ක්‍රියායන තත්ත්වයන්හි දී අවහිර කළ තත්ත්වය (Blocked state) සම්බන්ධයෙන් අසත්‍ය ප්‍රකාශය වනුයේ,

1. මෙම තත්ත්වය නිද්‍රාගත තත්ත්වය (sleeping state) ලෙසින් ද හඳුන්වයි.
2. කිසියම් ක්‍රියායනයක් අවහිරකළ තත්ත්වයට (blocked state) පත්වුව හොත් එය මධ්‍ය සැකසුම් ඒකකයෙන් (central processing unit) ඉවත් කොට ප්‍රධාන මතකයේ (main memory) හෝ අතත්‍ය මතකයේ (virtual memory) රඳවා තබනු ඇත.
3. මූලාශ්‍ර ලැබුණු වහාම එම ක්‍රියායන ක්‍රියාත්මක තත්වයට (running state) පැමිණ සූදානම් තත්ත්වයට (ready state) පැමිණේ.
4. මේසේ පවතින ක්‍රියායනයන්ට අදාළ වූ මූලාශ්‍ර (source) ලැබෙන තුරු මෙම තත්ත්වයේම (state) පවතියි.
5. මූලාශ්‍ර ලැබුණු වහාම එම ක්‍රියායන සූදානම් තත්වයට (ready state) පැමිණ ක්‍රියාත්මක තත්වයට (running state) පැමිණේ.

150. නැවැත්වූ / අවසන් කළ තත්වයේ (Terminated state) පවතින ක්‍රියායනයක් ප්‍රධාන මතකයෙන් (main memory) හෝ අතත්‍ය මතකයෙන් (virtual memory) ඉවත් කරනු ලබන අතර එසේ ඉවත් කිරීමක් සිදු නොවන ක්‍රියායන ...................... නම් වේ. ඉහත වාක්‍යයේ හිස්තැන් පිරවීම සඳහා යොදාගත හැකි වාක්‍ය ඛණ්ඩය වනුයේ,

1. ප්‍රතිහරණය කරන ලද (swapped out)               
2. නිද්‍රාගත (sleeping)                            
3. ක්‍රියාත්මක (executing)
4. අවතාර (zombies)                                         
5. රැඳීසිටින (waiting)

විවරණය සහ පිළිතුරු පසු ලිපි මගින් බලාපොරොත්තු වන්න.