6.0 : මෙහෙයුම් පද්ධති - අනුමාන බහුවරණ ප්‍රශ්න 9 කොටස

121. මුල් යුගයේ භාවිතා කළ පරිගණක පද්ධතියට බලපෑ බලවත් අහිතකර තත්ත්වය වූයේ,

1. කාල කළමණාකරණය (Time management) අවම මට්ටමක පැවතීම.
2. පරිගණක බෙහෙවින් මන්දගාමී වීම (slowness).
3. පරිශීලකයින් වැඩි ප්‍රමාණයකට එකවර කටයුතු කළ නොහැකි වීම.
4. වැඩසටහන් කිහිපයක් එකවර ධාවනය කළ නොහැකි වීම.
5. සකසනය යම් කාර්යයක් කරමින් සිටිය දී වෙනත් උපාංගයක් හෝ මෘදුකාංගයක් මගින් අතුරු බිඳුමක් (interrupt) ලද විගසම සකසනය එතෙක් කරමින් සිටි කාර්යය නවතා අතුරු බිඳුමට ප්‍රතිචාර දැක්වීම නිසාය.

122. ඇතැම් මෘදුකාංග වල දී එක් පිටපතක් (copy) පමණක් ප්‍රධන මතකයට (main memory) ප්‍රවේශ කර එම පිටපත කිහිප දෙනෙකුට එකවර භාවිතා කිරීමේ හැකියාව ලබා දේ. මෙහිදී එකම මෘදුකාංගයක කේත (codes) පොදුවේ බෙදා ගැනීමේ ක්‍රමයක් භාවිත කෙරේ. මෙම ක්‍රමය හඳුන්වනු ලබන්නේ,

1. බහු ක්‍රමලේඛනය (Multi programming) 
2. බහු පරිශීලනය (Multi using)
3. පුනරාදානය (Re - entered)                                                 
4. සමගාමී ක්‍රියාත්මක වීම Concurrent execution) 
5. කාල විභජනය (Time haring)

123. එක් ක්‍රියායනයක් (process) නවතා වෙනත් ක්‍රියායනයක් (process) ආරම්භ කිරීම හඳුන්වනු ලබන්නේ,

1. සන්දර්භ ස්විචය (Context switch)                                           
2. බහු පරිශීලනය (Multi using)
3. පුනරාදානය (Re - entered)                                                     
4. සමගාමී ක්‍රියාත්මක වීම Concurrent execution) 
5. කාල විභජනය (Time haring)

124. බහු ක්‍රමලේඛ (Multi programming) හා බහු කාර්යය (Multipurpose) මෙහෙයුම් පද්ධතියක ක්‍රියායන (processes) සම්බන්ධයෙන් අසත්‍ය ප්‍රකාශය වන්නේ,

1. ක්‍රියායන (processes) විශාල සංඛ්‍යාවක් යම් කාලජේදයක් තුළ ක්‍රියාත්මක කරවීම සිදුවේ.
2. බහු ක්‍රමලේඛ (multi programs) සඳහා සකසනය මගින් සෑම ක්‍රියායනයක් (process) සඳහාම නිශ්චිත කාලජේදයක් වෙන් කිරීම අවශ්‍ය වේ. 
3. නියමිත කාලජේදය තුළ දී එම ක්‍රියායනය (process) නිමා කළ යුතුවේ.
4. ක්‍රියායනයන් (processes) අවසන් වීමට පෙර අතරමග නතර කිරීම සිදු කළ හැකි අවස්ථා තුනක් ඇත.
5. ක්‍රියායන (processes) අවසන් වීමට පෙර අවස්ථාවක සකසනය (processor) මගින් කාලජේදය අවසන් කළහොත් එය නැවත හැකි ඉක්මනින් ආරම්භ කොට එහි ඉතිරි කොටස නිමා කිරීමට අවස්ථාව ලබා දීම සිදුවිය යුතුවේ.

125. පරිශීලකයන් (Users) කිහිපදෙනකු අතර බහු කාර්යය සහ බහු ක්‍රමලේඛන මෙහෙයුම් පද්ධති (Operating systems) මගින් කරනු ලබන කාල කළමනාකරණය (time management) හඳුන්වනු ලබන තනි නාමය වනුයේ,

1. සන්දර්භ ස්විචය (Context switch)                                           
2. බහු පරිශීලනය (Multi using)
3. පුනරාදානය (Re - entered)                                                     
4. සමගාමී ක්‍රියාත්මක වීම Concurrent execution) 
5. කාල විභජනය (Time haring)

126. ඇතැම් අවස්ථා වල දී ක්‍රියායනයන් (processes) අවසන් වීමට පෙර අතරමග නතර කිරීම සිදු කළ හැකි අවස්ථාවක් ලෙස වෙනත් ක්‍රියායනයක් (process) මගින් පද්ධතියට බාධා පණිවිඩයක් (interrupt) නිකුත් කිරීම පෙන්වා දිය හැකිය. මෙම ක්‍රියාව හඳුන්වනු ලබන්නේ,

1. අතුරු බිඳුමක් (Interrupt)                                                        
2. මෘදුකාංග අතුරු බිඳුමක් (Software Interrupt)
3. දෘඩාංග අතුරු බිඳුමක් (Hardware Interrupt)                            
4. අනු ක්‍රියායනයක් (Thread)
5. පුනරාදානය (Re - entered)

127. කාල විභජනය (Time sharing) සම්බන්ධයෙන් අසත්‍ය ප්‍රකාශය වන්නේ,

1. පරිශීලකයින් කිහිපදෙනකු අතර බහු කාර්යය සහ බහු ක්‍රමලේඛන මෙහෙයුම් පද්ධති මගින් කරනු ලබන කාල කළමනාකරණයයි.
2. පරිශීලකයින් කිහිපදෙනකුට එක් පරිගණකයක් භාවිතා කිරීම මගින් වියදම් අඩු කර ගත හැකි විය.
3. සකසනය (processor) උදාසීනව පවතින කාලය (idle time) පරිශීලකයින් ගණන වැඩි වන විය තවත් කෙනෙකුගේ භාවිතය සඳහා ගත නොහැකිවේ.
4. එකම පරිගණක යෙදුම් (application) ක්‍රියාවක දී එකවර කිහිප දෙනකුට අන්තර් ක්‍රියාකාරීත්වයන් (interactive) මගින් සම්බන්ධවීමට හැකි වීම.
4. මෙහෙයුම් පද්ධතියේ (operating system) ප්‍රධාන ලක්ෂණයක් බවට පත්විය.

128. මධ්‍ය සැකසුම් ඒකකයේ (CPU – Central Processing Unit) කාර්‍යක්ෂමතාව උපරිම අයුරින් පවත්වාගෙන යාම ................ නම් වේ. ඉහත වාක්‍යයේ හිස්තැන පිරවීම සඳහා යොදාගත හැකි වාක්‍ය ඛණ්ඩය වන්නේ,

1. කාල විභේදනය (Time sharing)                                              
2. සකසනයේ උපයෝගීතාව (processor utilization)
3. සමගාමී ක්‍රියාත්මක වීම (Concurrent execution)                                  
4. පුනරාදානය (Re - entered)
5. බහු ක්‍රමලේඛනය (Multiprogramming)

129. ප්‍රවාහකය (Dispatcher) ලෙසින් හඳුන්වනු ලබන නියමකාරකය වනුයේ,

1. දිගු කාලීන නියමකාරක (Long term scheduler)                                   
2. මධ්‍ය කාලීන නියමකාරක (Mid-term scheduler)
3. කෙටි කාලීන නියමකාරක (Short term scheduler)                    
4. ප්‍රවේශ නියමකාරක (Admission scheduler)
5. ඉහත කිසිවක් නොවේ.

130. සකසනයේ උපයෝගීතාව (Processor utilization) සම්බන්ධයෙන් අසත්‍ය ප්‍රකාශය තෝරන්න.

1. මධ්‍ය සැකසුම් ඒකකයේ කාර්‍යක්ෂමතාව උපරිම අයුරින් යොදා ගැනීම සකසනයේ උපයෝගීතාවයයි.
2. එක් ක්‍රියායනයක් (single process) පමණක් ක්‍රියාත්මකව ඇති විට සකසනයක උපයෝගීතාව අවම අගයක් ගනියි.
3. බහු ක්‍රියායනයේ (Multi-processing) දී සකසනයේ උපයෝගීතාව උපරිම අගයක් ගනී.
4. ක්‍රියායන නියමකාරක (Process schedulers) මේ සඳහා උපකාර නොවේ.
5. උපරිම උපයෝගීතාව ලබා ගැනීම සඳහා මෙහෙයුම් පද්ධතිය තුළ විවිධ උපක්‍රම යොදා ගනියි.

131. ක්‍රියායන කළමනාකරණය (Process management) සිදුකරනු ලබන්නේ මෙහෙයුම් පද්ධතියේ කුමන කොටසක් මගින් ද?

1. පරිශීලක අතුරු මුහුණත් (User interfaces) මගින්                                  
2. උපයෝගීතා මෘදුකාංග (Utility software) මගින්
3. ගර්භය (Kernel) මගින්                                                                       
4. ගොනු පද්ධතිය (File system) මගින්
5. ඉහත කිසිවක් නොවේ

132. ක්‍රියායන තත්ව රූපසටහනේ (Process states chart) සක්‍රීය (Active) තත්ත්වය හෝ ක්‍රියාත්මක (Executing) තත්ත්වය ලෙසින් හඳුවනුයේ,

1. සූදානම් ( Ready) තත්වය                                                                   
2. නිර්මිත / නව (Created) තත්වය
3. ධාවන (Running) තත්වය                                                                   
4. අවහිර කළ (Blocked) තත්වය
5. ප්‍රතිහරණය කළ සහ රැඳී සිටින (Swapped out and waiting) තත්වය

133. ක්‍රියායන තත්ව රූපසටහනේ (Process states chart) නිද්‍රාගත තත්ත්වය (Sleeping state) ලෙසින් පවතිනුයේ,

1. සූදානම් ( Ready) තත්වය                                                                   
2. නිර්මිත / නව (Created) තත්වය
3. ධාවන (Running) තත්වය                                                                  
4. අවහිර කළ (Blocked) තත්වය
5. ප්‍රතිහරණය කළ සහ රැඳී සිටින (Swapped out and waiting) තත්වය

134. ක්‍රියායන සහ ඒවායේ තත්ත්ව (Processes & process states) සම්බන්ධයෙන් අසත්‍ය ප්‍රකාශය වනුයේ,

1. විවිධ තත්වයන් යටතේ පවත්වාගනු ලබන ක්‍රියායන (processes) ක්‍රියාත්මක කරවීමේ අවස්ථා කිහිපයකින් පසුව ඒවායේ ක්‍රියාකාරිත්වය අවසන් කොට මධ්‍ය සැකසුම් ඒකකයෙන් ඉවත්ව යයි.
2. ක්‍රියායන තත්වයන් (process states) වෙනස් කිරීම සන්දර්භ ස්විචය (Context switch) නම් වේ.
3. ක්‍රියායන නියමකරණ (Process scheduler) මගින් තත්වයන් පවරනු ලබයි.
4. එක් එක් ක්‍රියායන තත්වයන්හි දී සිදුකරනු ලබන කාර්යයන් විවිධ වේ.
5. එක් එක් පියවරයන්හි දී ක්‍රියායනයන් සඳහා විවිධ තත්ත්වයන් (states) පවතී.

135. ක්‍රියායන තත්ව (Process states) වෙනස් කිරීම හඳුන්වනු ලබන්නේ,

1. ක්‍රියායන උපලේඛ (Process schedule) ලෙසයි.                        
2. ක්‍රියායන නියමකරණය (Process scheduling) ලෙසයි.
3. සන්දර්භ ස්විචය (Context switch) ලෙසයි.                   
4. කාල විභජනය (Time sharing) ලෙසයි.
5. සමගාමී ක්‍රියාත්මක වීම (Concurrent execution) ලෙසයි.

විවරණය සහ පිළිතුරු පසු ලිපි මගින් බලාපොරොත්තු වන්න.