6.0 : මෙහෙයුම් පද්ධති - අනුමාන බහුවරණ ප්‍රශ්න 6 කොටස

---

76. ඇස්කි ගොනු (ASCII Files) හෙවත් පාඨ ගොනු (Text Files) සම්බන්ධයෙන් අසත්‍ය ප්‍රකාශය වන්නේ,

1. ඇස්කි ගොනු (ASCII Files) සාමාන්‍ය ගොනු (Regular Files) වර්ගීකරණය යටතට ගැනේ.
2. මෙම ගොනු දත්ත ගබඩා කරනුයේ ඇස්කි අනුලක්ෂණ (ASCII Characters) වශයෙනි.
3. සරල පාඨ ගොනු (Text Files), ඇස්කි ගොනු සඳහා උදාහරණ වේ.
4. මෙම ගොනුවල ප්‍රධාන වාසිය වන්නේ මේවා පරිශීලකයාට දිස්වන ආකාරයෙන්ම මුද්‍රණය (Print) කල හැකි වීමයි.
5. මෙම ගොනු සංස්කරණය කිරීම (Edit) අපහසු කාර්යයකි.

77. නාමාවලි ගොනු (Directory Files) සම්බන්ධව සාවද්‍ය ප්‍රකාශය වන්නේ,

1. 1. පරිගණකයේ ගොනු සංවිධානය කර තබා ගැනීමට නාමාවලි (Directories) භාවිතා කෙරේ.
   2. ගොනු නාමාවලියක් (File Directory) යනු පරිගණකයේ තවත් එක් ගොනු (File) වර්ගයකි.
   3. ගොනු නාමාවලි (File Directory) වල රඳවා තබනුයේ අනෙකුත් ගොනු හා ගොනු නාමාවලි සොයා ගැනීමට උපකාරී වන දත්ත වේ.
   4. ගොනු නාමාවලි (File Directory) වල දත්ත ගබඩා කරනුයේ ASCII ආකාරයටයි.
   5. ගොනු නාමාවලි වල දත්ත ගබඩා කරනුයේ ද්වීමය ආකෘතියකට (Binary Structure) අනුවයි.

78. විශේෂ ගොනු (Special Files) වර්ගීකරණය කළ හැකි ආකාර දෙක වන්නේ,

1. අනුලක්ෂණ විශේෂ ගොනු (Character Special Files), ASCII ගොනු
2. කට්ටි විශේෂ ගොනු (Block Special Files), ද්වීමය ගොනු (Binary Files)
3. ASCII ගොනු, ද්වීමය ගොනු (Binary Files)
4. අනුලක්ෂණ විශේෂ ගොනු (Character Special Files), කට්ටි විශේෂ ගොනු (Block Special Files)
5. කට්ටි විශේෂ ගොනු (Block Special Files),  ASCII ගොනු

79. උපක්‍රම ගොනු (Device Files) ලෙසින් හඳුන්වනු ලබන්නේ පරිගණකයේ ඇති කුමන ගොනු (Files) ආකාරයද?

1. සාමාන්‍ය ගොනු (Regular Files)                                                          
2. නාමාවලි ගොනු (Directory Files)
3. විශේෂ ගොනු (Special Files)                                                              
4. ASCII ගොනු
5. ද්වීමය ගොනු (Binary Files)

80. ගොනු සුරැකුම් (File save) කරනු ලබන ආකාර සම්බන්ධයෙන් අසත්‍ය ප්‍රකාශය තොරන්න.

1. මුරපදයක් (password) යොදා ගොනු සුරැකුම් කළ හැකිය.
2. ගොනු ගුප්තකේතනය (File Encryption) යනු ගොනු සුරැකුම් කිරීමට යොදා ගන්නා ක්‍රමවේදයකි.
3. ඇතැම් මෙහෙයුම් පද්ධති මගින්ම ගොනු සුරැකීම සඳහා මුරපද (passwords) යෙදීමේ පහසුකම සපයා දී ඇත.
4. ගුප්තකේතනය කරනු ලැබූ ගොනු (Encrypted files) කියවිය හැකි වන්නේ එම ගොනුව ගුප්ත කේතනයේ දී ලබා දී තිබූ යතුර (key) පරිශීලකයා දන්නේ නම් පමණි.
5. ගොනුවකට ප්‍රවේශ වරප්‍රසාද (Access privileges) ලබා දීම යනු ගොනු සුරැකුම් ක්‍රමවේදයක් නොවේ.

81. ගොනුවක ප්‍රවේශ වරප්‍රසාදයන් (Access privileges) පහත පරිදි වේ. මේ සම්බන්ධයෙන් අසත්‍ය ප්‍රකාශය තෝරන්න.

a. මෙම ගොනුවේ අයිතිකරු හට (Owner) ගොනුව කියවීම, ලිවීම හා ක්‍රියාකරවීම යන ක්‍රියාවන් සඳහා අවසර ඇත.
b. සමූහයකට (Group) අවසර දී ඇත්තේ ගොනුව කියවීම හා ලිවීම පමණි.
c. පොදු (Public) පරිශීලකයින් හට අවසර ඇත්තේ එම ගොනුව ක්‍රියාත්මක කරවීම පමණි.

ඉහත වාක්‍ය අතුරින් සත්‍ය වගන්තිය / වගන්ති වන්නේ,

1. a පමනි.                     
2. b පමනි.                    
3. c පමනි.               
4. a, b,c සියල්ලම              
5. සියල්ල අසත්‍ය වේ.

82. පරිගණක වල භාවිතා වන විශේෂ ගොනු (Special Files) සම්බන්ධයෙන් අසත්‍ය ප්‍රකාශය වන්නේ,

1. මේවා "උපක්‍රම ගොනු (Device Files)" යනුවෙන් ද හඳුන්වයි.
2. පරිගණකයට සම්බන්ධ කරනු ලබන බාහිර / පර්යන්ත උපක්‍රම (Peripheral Devices) සමග කටයුතු කිරීමට මේවා යොදා ගනියි.
3. අනුලක්ෂණ විශේෂ ගොනු (Character Special Files) සහ කට්ටි විශේෂ ගොනු (Block Special Files) ලෙස ආකාර දෙකකි.
4. කට්ටි විශේෂ ගොනු (Block Special Files) භාවිතා කරනුයේ කට්ටි (Blocks) වශයෙන් දත්ත හසුරුවන උපාංග සඳහාය. (උදා: දෘඩ තැටිය, සුනම්‍ය ධාවකය )
5. පරිගණකයේ ගොනු සංවිධානය සඳහා අනුලක්ෂණ විශේෂ ගොනු (Character Special Files) භාවිතා වේ.

83. මුද්‍රණ යන්ත්‍ර (Printers), සුපරීක්ෂක යන්ත්‍ර (Scanners), ටර්මිනල (Terminals) සහ පරිගණක ජාල පද්ධතීන් (Computer Network Systems) සමග පරිගණකය ගනුදෙනු කිරීමේ දී භාවිතා වන ගොනු ආකාරය (File Type) වන්නේ,

1. සාමාන්‍ය ගොනු (Regular Files)                                                          
2. නාමාවලි ගොනු (Directory Files)
3. අනුලක්ෂණ විශේෂ ගොනු (Character Special Files)                            
4. කට්ටි විශේෂ ගොනු (Block Special Files)
5. ද්වීමය ගොනු (Binary Files)

84. ගොනු උපලක්ෂණ (File Attributes) සම්බන්ධයෙන් අසත්‍ය ප්‍රකාශය වනුයේ,

1. ගොනු උපලක්ෂණ (File Attributes) යනු ගොනු වල ගබඩා කර ඇති දත්ත වලට අමතරව ගබඩා කරනු ලබන තොරතුරු සමහරකි.
2. ගොනුවක් (File) විස්තර කිරීමේ දී ගොනු උපලක්ෂණ (File Attributes) භාවිතා කරයි.
3. මෙම උපලක්ෂණ (Attributes) විස්තර තැන්පත් කරනු ලබන්නේ තැටියෙහි පවත්වාගෙන යන නාමාවලි ව්‍යුහයෙහිය (Directory Structure).
4. ගොනු උපලක්ෂණ (File Attributes) පරිශීලකයා විසින් සැකසීම කළ නොහැක.
5. Name, Identifier, Type, Location, Size, Protection, Time, Date and User Identification යන්න ගොනු උපලක්ෂණ සඳහා උදාහරණ වේ.

85. දත්ත වල ආරක්ෂාවට හා ගොනුවෙහි භාවිතය අධීක්ෂණයට (Auditing) භාවිතා කරනු ලබන ගොනු උපලක්ෂණයක් (File Attribute) වන්නේ,

1. Identifier                                          
2. Protection                                        
3. Time, date and user identification
4. Location                                          
5. Type

86. පරිගණකයේ තැන්පත් කොට ඇති ගොනුවක් කියවීම (Write), ලිවීම (Read) හෝ සංස්කරණය (Edit) කල හැක්කේ කාටද යන්න පිළිබඳව දැන ගැනීම සඳහා භාවිතා කළ හැකි ගොනු උපලක්ෂණයක් (File Attribute) වන්නේ,

1. Identifier                                          
2. Protection                                        
3. Time, date and user identification
4. Location                                          
5. Type

87. සරල පාඨ (Simple Text) ලෙස එනම් පරිශීලකයා හට කියවීමට හැකි ලෙස ගොනුවක දක්නට ලැබන එකම ගොනු උපලක්ෂණය (File Attribute) වන්නේ,

1. Identifier                                          
2. Protection                                        
3. Time, date and user identification
4. Location                                          
5. Name

88. ගොනු පද්ධතිය (File System) තුල ඇති ගොනු එකිනෙකට වෙන් කොට හඳුනාගැනීමට යොදා ගන්නා අංකයකින් සමන්විත ගොනු උපලක්ෂණය (File Attribute) වන්නේ,

1. Identifier                                          
2. Protection                                        
3. Time, date and user identification
4. Location                                          
5. Name

89. විවිධ වර්ගයේ ගොනු සමග මෙහෙයුම් පද්ධතිය (Operating System) කටයුතු කරන බැවින් මේවායේ වර්ගය හඳුනා ගැනීමට උපකාරී වන ගොනු උපලක්ෂණය (File Attribute) විය හැක්කේ,

1. Identifier                                          
2. Type                                                           

3. Time, date and user identification
4. Location                                          
5. Name

90. පරිගණකයේ ගොනු (Files) භාවිතා කිරීමේ මූලික අරමුණ වනුයේ,

1. පරිගණකයේ දත්ත හා තොරතුරු කළමනාකරණය සඳහා.           
2. දත්ත සහ තොරතුරු වල ආරක්ෂාව හා ප්‍රවේශය පාලනය කිරීම සඳහා.
3. තොරතුරු ගබඩා කර නැවත ලබා ගැනීමටයි.
4. දත්ත හා තොරතුරු මනාව සංවිධානය කිරීමට.
5. පරිශීලකයාට අවශ්‍ය තොරතුරු පහසුවෙන් සොයා ගැනීම සඳහා.



විවරණය සහ පිළිතුරු පසු ලිපි මගින් බලාපොරොත්තු වන්න.